Axmedjanov Karimjon Bakidjanovich

Axmedjanov Karimjon Bakidjanovich 1971- yil Toshkent shahrida tug‘ilgan, millati o‘zbek. 1994- yilda Toshkent davlat iqtisodiyot universitetining «Sanoatda buxgalteriya hisobi va xo‘jalik faoliyati tahlili» mutaxassisligi bo‘yicha o‘qishni imtiyozli diplom bilan tamomlagan. 2000- yilda 08.00.08. «Buxgalteriya hisobi, iqtisodiy tahlil va audit» ixtisosligi bo‘yicha nomzodlik dissertatsiyasini, 2016- yilda shu ixtisoslik bo‘yicha doktorlik dissertatsiyasini himoya qilgan, professor ilmiy darajasiga ega. K. Axmedjanov rahbarligida iqtisodiyot fanlari bo‘yicha falsafa doktori (PhD), iqtisodiyot fanlari doktori (DSc) doktorlik dissertatsiyalari muvaffaqqiyatli himoya qilingan. 100 dan ortiq o‘quv, o‘quv-uslubiy va ilmiy tadqiqot ishlarining muallifi hisoblanadi. Shulardan 10 ta darslik (hammualiflik bilan birgalikda), 3 ta monografiya, 6 ta o‘quv qo‘llanma va boshqalardir. Xorijiy ilmiy jurnal va konferensiya to‘plamlarida 20 dan ortiq maqola va tezislari chop etilgan. O‘zbekiston Respublikasi Innovatsion rivojlanish vazirligi tomonidan e’lon qilingan innovatsion va amaliy grant loyihalarida loyiha rahbari sifatida ishtirok etgan. Xalqaro va respublika miqyosida nashr etilayotgan elektron jurnallar tahririyati va ekspertlar kengashi a’zosidir. K. Axmedjanov 2015–2023- yillar oralig‘ida Toshkent davlat iqtisodiyot universiteti Ilmiy ishlar va innovatsiyalar bo‘yicha prorektori, O‘zbekiston Respublikasi Prezidenti huzuridagi Davlat boshqaruvi akademiyasining Ilmiy ishlar va xalqaro aloqalar bo‘yicha prorektori, Toshkent Kimyo xalqaro universiteti Ta’lim sifati va xalqaro hamkorlik bo‘yicha prorektori, 2023–2025- yillarda Toshkent Kimyo xalqaro universiteti rektori sifatida faoliyat yuritib kelgan.

Asosiy maqsad va vazifalari:

Asosiy maqsad va vazifalari: Milliy davlat ta’lim standartlari va xalqaro akademik mezonlarga muvofiq universitetning ilmiy faoliyatiga strategik rahbarlikni ta’minlash; Ilmiy faoliyat bo‘yicha Univеrsitеt stratеgiyasini ishlab chiqish va amalga oshirishni tizimli tashkil etish; тadqiqot salohiyatini, innovatsion natijalarni va akademik sifatni kuchaytirishga qaratilgan institutsional siyosat va takliflarni ishlab chiqish va taqdim etish; universitet tadqiqot dasturining samarali amalga oshirilishini ta’minlash uchun kafedralar va tadqiqot bo‘linmalarining ilmiy faoliyatini muvofiqlashtirish, nazorat qilish va baholash; kafedralarning yillik va o‘rta muddatli ilmiy tadqiqot rejalarini tasdiqlash hamda ularning bajarilishi va ko‘rsatkichlarini monitoring qilish; xalqaro va respublika miqyosida ilmiy-amaliy konferensiyalar, simpoziumlar, davra suhbatlari va seminarlar o‘tkazish tashabbusi va tashkil etilishi; ilmiy xodimlarning nashr faoliyatini, jumladan, jurnallar, monografiyalar va indekslangan tadqiqot natijalarini qo‘llab-quvvatlash va boshqarish; ta’lim mazmunini oshirish va mutaxassislarni xalqaro standartlar darajasida tayyorlash maqsadida xorijiy oliy ta’lim muassasalari bilan xalqaro ilmiy hamkorlik, qo‘shma loyihalar va akademik hamkorlikni rivojlantirish; milliy va xalqaro universitetlar bilan uzluksiz akademik hamkorlikni ta’minlash, professor-o‘qituvchilarning ilmiy tadbirlar, grant dasturlari va mobillik tashabbuslarida faol ishtirok etishiga ko‘maklashish; tadqiqot natijalarini o‘qitish va innovatsiyalarga integratsiyalashuvini nazorat qilish, universitetning tadqiqotga asoslangan ta’lim modelini mustahkamlash.