Yurtimizda ilmiy faoliyatning yanada rivoj topishi, tatqiqotchilarni ilm majlisi atrofida birlashtirish orqali dolzarb muammolarga ilmiy va amaliy yechimlarni topish hamda Oliy taʼlim, fan va innovatsiyalar vazirligining 2026-yil 16-yanvardagi 11-son buyrugʻi ijrosini ta’minlash maqsadida, “University of Management and Future Technologies” universitetida 2026-yilning 26-mart kuni “Sun’iy intellekt va raqamli iqtisodiyot” mavzusida Respublika ilmiy-amaliy anjumani tashkil etildi.
Tadbirni universitet rektori, M.M.Maxmudov so‘zga chiqib bu darajadagi konferensiya uchinchi bor universitetda tashkil etilyotgani ilm-fan rivoji uchun tashlangan qadamlardan biri ekanligiga to‘xtalib konferensiyani ochib berdi. Shundan so‘ng, O‘zbekiston Fanlar akademiyasining akademigi, O‘zbekistonda xizmat ko‘rsatgan fan arbobi i.f.d. - professor, akademik Gulyamov Saidahror Saidahmеdovich, О‘zbekiston Respublikasi Vazirlar Mahkamasi huzuridagi Makroiqtisodiy va hududiy tadqiqotlar instituti loyiha rahbari i.f.d. - professor Rasulov Nodirbek Madraximovich, Fundamental va amaliy tadqiqotlari instituti, sun’iy intellekt va axborot texnologiyalari laboratoriyasi mudiri t.f.d. - professor Radjabov Sobirjon Sattorovich, O‘zbekiston Respublikasi Kambag‘allikni qisqartirish va bandlik vazirligi maslahatchisi - Yo‘ldosheva Ummatoy To‘lqinovna, Deep Vision kompaniyasi asoschisi va rahbari - Olimov Amon Akram o‘g‘li, "Cyber University" davlat universiteti Kiberxavfsizlik kafedrasi mudiri - PhD, dotsent Urinov Elmurod Murodjonovich, Oʻzbekiston Respublikasi Iqtisodiyot va moliya vazirligi huzuridagi oʻquv markazi direktori - Xamidova Iroda Gafurovna mehmon sifatida ishtirok etdishdi hamda “Yangi O‘zbеkiston iqtisodiyotini Sun’iy intеllеkt asosida transformatsiya stratеgiyasi”, “O‘zbekistonni innovatsion rivojlanishida raqamli iqtisodiyotning imkoniyatlari va istiqbollari”, “Sun’iy intellekt algoritmlari yordamida eski o‘zbek yozuvidagi qo‘lyozmalarni raqamlashtirish tizimini yaratish”, “Raqamli O‘zbekiston – 2030” strategiyasi doirasida iqtisodiyot, davlat boshqaruvi va ijtimoiy sohani kompleks raqamlashtirish: muammolar, imkoniyatlar va rivojlanish istiqbollari”, “Raqamli transformatsiya - tadbirkorlikni rivojlantirish drayveri sifatida”, “Sun'iy intellekt tizimlari yordamida shubhali bank tranzaksiyalarini aniqlash usullari” va “Malaka oshirish о‘quv jarayonlarida sun’iy intellekt vositalarini joriy etish: muammo va yechimlar” mavzularida tajriba va ilmlarini bilan tadbir qatnashuvchilari bilan bo‘lishishdi.
Shundan so‘ng anjuman sho‘ba majlislarida davom ettirildi. Unda universitet professor-o‘qituvchilari hamda respublikamizning turli joylaridan tatqiqotchi-olimlar o‘zlarining tatqiqot natijalari bilan tanishtirib, bugungi kunda qo‘llanilayotgan va kelajakka dahldor bo‘lgan zamonaviy texnologiyalar, ularning ishlab chiqilishi va tatbiq etilishi kabi masalalar yuzasidan keng muhokamalar yuritilib, muhim xulosalar olindi. Anjuman ishtirokchilarining 635 nafari yosh olimlar, shulardan 215 nafari mustaqil izlanuvchilar, tayanch doktorantlar, magistrlar va talabalardan iborat. Bu kabi tadbirlar yurtimizda ilmiy muhitni kengaytirishda, taraqqiyot chizgilarini belgilab berishda, shuningdek, yosh olimlarga ilm yoʻlida ilhom va yangi kuch bagʻishlashda beqiyos ahamiyat kasb etadi!
