AHOLI VA QISHLOQ XO'JALIGINI RO'YXATGA OLISH
#2_bosqich
#4_fevraldan_28_fevralgacha
Aholi va qishloq xo‘jaligini ro‘yxatga olish tadbiri mamlakatimizni ijtimoiy-iqtisodiy rivojlantirish bo‘yicha muhim qarorlar qabul qilishda asosiy manba bo'lib xizmat qiladi.
Aholi va qishloq xo'jaligini ro'yxatga olish jarayonining 1-bosqichi o'z nihoyasiga yetdi. 4-fevraldan 28-fevralga qadar ushbu tadbirning ikkinchi bosqichi amaliy shaklda davom etmoqda.
- Ushbu bosqichda maxsus tayyorgarlikdan o‘tgan ro‘yxatga oluvchilar belgilangan hududlarda bevosita ish faoliyatini olib boradilar.
- Ro‘yxatga oluvchilar ish jarayonini mahalla idoralarida boshlaydi. Bu yerda ularga xizmat guvohnomalari, so‘rovnoma blankalari hamda elektron qurilmalar topshiriladi. Shundan so‘ng, tasdiqlangan jadval asosida fuqarolar xonadonlariga tashrif buyuriladi.
- Xonadonga tashrif chog‘ida ro‘yxatga oluvchi o‘zini tanishtiradi va xizmat guvohnomasini taqdim etadi. So‘rovnoma faqat fuqarolarning roziligi asosida o‘tkaziladi.
-So‘rov jarayonida xonadonda yashovchi aholi soni, ularning bandlik holati, tomorqa yer maydonlari, chorva mollari hamda qishloq xo‘jaligi faoliyatiga oid ma’lumotlar aniqlanadi.
- Kiritilgan barcha ma’lumotlar qonunchilikka muvofiq tarzda maxfiy saqlanadi va faqat statistik maqsadlarda foydalaniladi.
- Har bir to‘g‘ri qaror ishonchli ma’lumotga tayanadi.
Ilm-fan ham, davlat boshqaruvi ham statistikaga muhtojdir. Keling, barchamiz mas’uliyat bilan ishtirok etaylik. Ishonchli ma’lumot — barqaror taraqqiyot poydevori.